پنجاب میں سردی کی شدید لہر کے پیش نظر حکومت نے یونیفارم پہننے کی پالیسی نرم کردی۔ اس جنوری اور فروری میں سرکاری اور نجی سکولز میں یونیفارم پہننا لازمی نہیں ہوگا۔
ڈسٹرکٹ ایجوکیشن اتھارٹیز کو جاری مراسلے میں محکمہ اسکول ایجوکیشن نے کہا ہے کہ سرکاری اور پرائیویٹ اسکولز کے طلباو طالبات کوئی بھی گرم کپڑے پہن کراسکول آ سکتے ہیں۔
طلبہ سوئیٹر، بلیزر، کوٹ، جیکٹ، کیپ، جرابیں اور کوئی بھی بوٹ پہن کر اسکول آسکتے ہیں۔
مراسلے میں کہا گیا ہے کہ سرکاری و پرائیوٹ اسکولز کے سربراہان ان ہدایات پر عملد رآمد یقینی بنائیں۔
