بانی پی ٹی آئی نے کہا ہے ہر سیٹ پر الیکشن لڑینگے ، بابر اعوان

وکیل بابر اعوان نے کہا ہے کہ بانی پی ٹی آئی نے کہا ہے کہ ہر سیٹ پر الیکشن لڑینگے ۔ بابراعوان نے کہاکہ توشہ خانہ کے مقدمے کی اصل تاریخ پہلے سے فکس شدہ تھی ، یہ مقدمات بانی پی ٹی آئی کو الیکشن سے باہر رکھنے کی سازش ہیں ۔انہوں نے کہا کہ نیب کو مشورہ دیا کہ ہلکا سا لیول پلیئنگ فیلڈ بانی پی ٹی آئی کو بھی دیدیں۔علاوہ ازیں چیئرمین پی ٹی آئی بیرسٹر گوہر خان کا کہنا تھا کہ ہم نے آئین وقانون کے تحت انٹر ا لیکشن کرائے ہیں ۔ان کا یہ بھی کہنا تھا کہ ہرقسم کی کوشش کی جارہی ہے کہ پی ٹی آئی کو بلے کا نشان نہ ملے ۔