سری لنکا نے پہلے ٹی20 میچ میں جیت کیلئے پاکستان کو 129 رنز کا ہدف دے دیا۔
دمبولا میں کھیلے جارہے میچ میں پاکستان نے ٹاس جیت کر میزبان سری لنکا کو پہلے بیٹنگ کی دعوت دی۔
سری لنکن ٹیم 19 اعشاریہ 2 اوورز میں 128 رنز پر ڈھیر ہوگئی، جنیتھ لیاناگے 40 رنز کے ساتھ ٹاپ اسکورر رہے۔
پاکستان کے سلمان مرزا اور ابرار احمد نے 3، 3 جبکہ محمد وسیم اور شاداب خان نے 2، 2 کھلاڑیوں کو پویلین کی راہ دکھائی۔
پاکستانی ٹیم میں صائم ایوب، صاحبزادہ فرحان، سلمان علی آغا، فخر زمان، عثمان خان، محمد نواز، فہیم اشرف، محمد وسیم جونیئر، سلمان مرزا اور ابرار احمد شامل ہیں۔
سری لنکن فائنل الیون میں پتھم نسانکا، کامل مشرا، کوشل مینڈس، ڈی سلوا، چارتھ اسالنکا، ڈاسن شناکا، جنیتھ لیاناگے، ہسارنگا، چیمرا، تیکشنا اور تشارا شامل ہیں۔
پاکستان اور سری لنکا کے درمیان 3 ٹی20 میچز کا دوسرا مقابلہ 9 اور تیسرا 11 جنوری کو ہوگا۔