ٹی20 ایشیا کپ کے ساتویں میچ میں متحدہ عرب امارات (یو اے ای) کی ٹیم نے عمان کو جیت کیلئے 173 رنز کا ہدف دے دیا ہے۔
ابوظبی میں میں کھیلے جارہے گروپ اے کے میچ میں عمان کے کپتان جتندر سنگھ نے ٹاس جیت کر پہلے فیلڈنگ کا فیصلہ کیا۔
یو اے ای کی ٹیم نے مقررہ 20 اوورز میں کپتان محمد وسیم اور علی شان شرفو کی شاندار نصف سنچریوں کی بدولت 5 وکٹ پر 172 رنز بنائے ہیں۔
یو اے ای کی اوپننگ جوڑی نے پہلی وکٹ پر 88 رنز کی شراکت قائم کی علی شان شرفو 51 بناکر کر پویلین لوٹ گئے، اُن کی اننگز 7 چوکوں اور 1 چھکے سے مزین تھی۔
یو اے ای کے کپتان محمد وسیم 54 گیندوں پر 69 رنز بناکر رن آؤٹ ہوئے، انہوں نے اس دوران 6 چوکے اور 3 چھکے لگائے۔
محمد زوہیب نے 21 اور ہرشیت کوشک نے 19 رنز کی باری کھیلی جبکہ عمان کے جیتن نے 2 کھلاڑیوں کو آؤٹ کیا۔
گروپ اے میں پاکستان اور بھارت 2، 2 میچز کھیل چکے ہیں، اس میچ کے بعد گروپ کی تمام ٹیموں کے 2،2 میچز ہوجائیں گے، عمان نے اپنا میچ بھارت سے جبکہ یو اے ای نے اپنا آخری مقابلہ پاکستان سے کرنا ہے۔
