وزارتِ صحت کا کہنا ہے کہ میڈیکل ڈیوائسز کو ڈیجیٹائز کیا جا رہا ہے، وزیرِ اعظم کل اس کا افتتاح کریں گے۔
اسلام آباد سے وزارتِ صحت کے اعلامیے کے مطابق وہیل چیئر سے لے کر ایم آر آئی مشین تک کی رجسٹریشن اور لائسنسنگ آن لائن ہو گی۔
اعلامیہ کے مطابق رجسٹریشن اور لائسنسنگ کے لیے شہری آن لائن درخواستیں جمع کروا سکتے ہیں، اس اقدام سے اب سالوں کا عمل صرف 20 دن میں ہو گا۔
اعلامیہ میں کہا گیا ہے کہ اس سے عوام کو بروقت معیاری، محفوظ اور مؤثر ادویات و میڈیکل ڈیوائسز میسر ہوں گی۔
وزارتِ صحت کے اعلامیے میں یہ بھی کہا گیا ہے کہ پاکستان کا فارماسیوٹیکل اور میڈیکل ڈیوائسز کا شعبہ بے پناہ معاشی صلاحیت رکھتا ہے۔
