محمد خان بھٹی 5 روزہ ریمانڈ پر نیب کے حوالے

چوہدری پرویز الٰہی کیخلاف کرپشن اسکینڈل میں ان کے سابق پرنسپل سیکریٹری محمد خان بھٹی کو 5 روزہ ریمانڈ پر نیب کے حوالے کرنے کا حکم دیدیا ۔عدالت نے نیب کو محمد خان بھٹی کو 13 ستمبر کو دوبارہ پیش کرنے کا حکم بھی دیا ہے ۔نیب کی جانب سے محمد خان بھٹی کے جسمانی ریمانڈ کی استدعا کی گئی تھی اس موقع پر محمد خان بھٹی نے عدالت کے روبرو کہا کہ میں بے گناہ ہوں ، تمام حقائق تفتیش افسران کو بتا دیئے ہیں ۔انہوں نے استدعا کی کہ مجھے توقع ہے کہ عدالت میرے ساتھ انصاف کریگی ۔