تربت سے کوئٹہ جانیوالی مسافر بس کھائی میں جاگری ، 28 افراد جاں بحق

تربت سے کوئٹہ جانے والی مسافر بس کو حادثہ پیش آیا، حادثے میں خواتین اور بچوں سمیت 28 افراد جان کی بازی ہار گئے۔ اے سی بسیمہ اسماعیل مینگل کے مطابق بس گہری کھائی میں گرنے سے خواتین اور بچوں سمیت 20 افراد زخمی بھی ہوئے۔ جب کہ حادثے کے بعد زخمیوں اور لاشوں کو سول اسپتال بسیمہ منتقل کردیا گیا ہے۔لیویز حکام کا کہنا ہے کہ بس میں ڈرائیور اور 2 کنڈیکٹر سمیت 48 افراد سوار تھے۔ طبی امداد کے بعد مزید علاج کے لیے کوئٹہ منتقل کیا جائے گا۔اے سی بسیمہ اسماعیل مینگل کے مطابق حادثہ تربت سے کوئٹہ جانے والی مسافر بس کو تیز رفتاری کے باعث پیش آیا۔