پاکستانی ٹیم کے فاسٹ بولر سلمان مرزا نے کہا ہے کہ ان کنڈیشنز میں زیادہ تر انحصار اسپنرز پر ہی کرنا پڑتا ہے۔
کولمبو میں پریس کانفرنس کے دوران سلمان مرزا نے کہا کہ اس وقت ہمارے سیمی فائنل میں پہنچنے کی نازک صورتحال ہے۔
انہوں نے کہا کہ پاکستان ٹیم میں صلاحیت ہے وہ نہ صرف سیمی فائنل میں پہنچ سکتی ہے بلکہ اچھا بھی کھیل سکتی ہے۔
فاسٹ بولر نے مزید کہا کہ ہم یارکرز کی تسلسل کے ساتھ پریکٹس کرتے ہیں، ان کنڈیشنز میں زیادہ تر اسپنرز پر ہی انحصار کرنا پڑتا ہے۔
ان کا کہنا تھا کہ انگلینڈ اور نیوزی لینڈ کا میچ ہمارے اختیار میں نہیں، ہم اپنے میچ میں اچھا کرنے کی کوشش کریں گے۔
