آسٹریلیا نے اسلام مخالف پوسٹ پر اسرائیلی انفلوئنسر کا ویزہ منسوخ کر دیا۔
غیر ملکی میڈیا کے مطابق آسٹریلیا نے اسرائیلی سوشل میڈیا انفلوئنسر سامی یہود کا ویزہ منسوخ کیا جو اسلام مخالف مہم چلا رہا تھا۔
آسٹریلوی حکومت کا کہنا ہے کہ نفرت پھیلانے والوں کو ملک میں آنے کی اجازت نہیں دیں گے۔
آسٹریلوی وزیر برائے امور داخلہ ٹونی برک کا کہنا ے کہ نفرت پھیلانے والوں کو آسٹریلیا نہیں آنا چاہیے۔
آسٹریلوی وزیر برائے داخلہ ٹونی برک نے غیر ملکی میڈیا سے گفتگو میں مزید کہا کہ جو آسٹریلیا آنا چاہیں انھیں چاہیے کہ وہ درست طریقے سے ویزہ کی درخواست دیں۔
ویزہ منسوخ ہونے سے قبل یہود نے مائیکرو بلاگنگ پلیٹ فارم ایکس پر پوسٹ میں کہا تھا کہ اسلام کافروں، مرتدین، خواتین، بچوں اور ہم جنس پرستوں کے حقوق کو نہیں مانتا۔
